《東張西望》喺尋晚播出嘅一集中,如常都有公佈上星期的節目收視統計,本來都以爲兩位主持陳庭欣(Toby)、朱凱婷(Heidi)只係一如既往地讀出各個節目的收視,但朱凱婷結尾嘅幾句說話,就被網民們指「話中有話」呢!

陳庭欣:「《愛·回家之開心速遞》有28.9,而《倚天屠龍記》就有28.3,呢個數量呢,就相當於有超過180萬觀眾收睇㗎。」朱凱婷就話:「嘩!有成過百萬人支持,真係令人非常之感動。放心,我哋會繼續努力爭取⋯⋯好嘅收視。」同時,身旁的陳庭欣都有做出打氣動作⋯⋯

朱凱婷喺句子中喺「努力爭取」後有停頓位,又加上提到「成過百萬人」,難免令大家想起參與6月9日反對修訂《逃犯條例》大遊行的100多萬人(根據民陣統計)。

以下係部份網民對說話嘅睇法,不過有網民都擔心Heidi經呢一番「暗示」後,或會面臨被雪藏。

到底是「言者無心,聽者有意」,還是有所暗示呢?還是留給大家判斷了!

LEAVE A REPLY

Please enter your comment!
Please enter your name here