尋晚一集TVB處境劇《愛•回家之開心速遞》播出「DSE放榜了!」一集,以池子孝(阮政峰 飾)等待公佈DSE前嘅心情為主題,結果啊孝喺天才聯盟習社嘅協助下,成功喺DSE取得非常好嘅成績,中文5*,英文4,數學5**,通識5*,其他選修科亦有level 5。

正當啊孝一心打算報讀「食品及營養學系」時,小編同唔少劇迷一樣見到「營養學」3個字就記起兩個人,第一個係啊孝喺劇中嘅妹妹池美麗,以及香港小姐馮盈盈呢!

啊孝都有講到希望可以幫助妹妹池美麗減肥,令美麗的身體變得健康。

至於同馮盈盈有關,就因為馮盈盈曾經喺《後生仔傾下偈》中講到自己讀食品及營養學係因為細佬:「我細佬兩歲嘅時候就有慢性腎炎,咁呢個病就冇得根治嘅,一路就要靠藥物同食物嚟控制,佢一路以嚟都要食得好清淡,濃味嘅嘢都唔食得,要低油低鹽。」

小編睇到今集《愛 ‧ 回家》唔再「抽水」(早前抽「安心偷食」、「示威」),反而係食依照藝人嘅真人真事改編至劇情當中,都算係一個有正面反應嘅嘗試。不過小編又建議一下既然拍馮盈盈嘅故事,下一次可以以麥明詩放榜日嘅情節為題材,應該會經《愛 ‧ 回家》編劇團隊加持下而更有喜劇效果!

皆因麥明詩在最新一集《後生仔傾吓偈》中透露2009年中學會考放榜當日,佢最擔心嘅係自己個樣,「我最嬲係學校無(預先)打比我哋,搞到我嗰日無化妝,啲面油都飛晒出嚟……」

「10 A」麥明詩當年接受傳媒訪問嘅樣,係有少少baby-fat……


如果係《愛 ‧ 回家》粉絲的話,應該記得早前曾經有由林秀怡扮演嘅律師「明詩」一角,可以搵佢再扮演呢一個回憶橋段呢!


LEAVE A REPLY

Please enter your comment!
Please enter your name here