近月香港因反送中條例引發出逆權運動,遍地開花,前香港民族黨召集人陳浩天日前呼籲市民明天(16日)將銀行戶口存款全部提走,希望透過大量提取銀行存款癱瘓銀行體系,當中以中資銀行為主要目標,亦有網民發起「816齊㩒千」行動,在全港銀行提款,給壓力香港金融體系,而連登亦有推post,明天為「8.16香港曬錢日」,呼籲大家Show me your money。

千億新抱徐子淇的御用化妝師Gary Chung,於17年在特首競選活動期間幫林鄭月娥化妝,近兩個月Gary亦有撐警,他今日在Facebook貼文挑機「8.16香港曬錢日」,大晒滙豐銀行的千萬存款,留言:「本來我個Premier戶口最少存100萬現金就夠,今日我就存夠1000萬,D儍仔儍女可能要問阿媽轉賬幾草嘢比佢哋先撳到張一百蚊出嚟!」他更貼了幾個大笑的emoji公仔,及寫了#816唧牙膏。

Gary貼文Show money後,引來不少網民留言嘲諷,並掀起網上罵戰,有人鬧Gary是「窮得只有數字的港豬」,Gary反駁對方「暴力得連數字都冇嘅曱甴,香港之恥」、「冇家教」,而該網民再反擊「你屋企教你有個錢要周街唱?好特別嘅家教」。由於受到太多人抨擊,更有網民貼出一張黑卡,根據上年的報告,黑卡持有人平均凈資產1,600萬美元,只有1,000萬港幣的Gary最後索性將戶口設定改為friends only,不過已有不少網民截圖,並轉載到其他討論區留言取笑,有網民笑:「得一千萬咁少就唔好寸人,比AE黑卡英雄大完之後,佢成個post刪除了」、「呢條短命種係賣咗層樓先有嗰一千個啫,唔L賣樓,咪又係X一條X一條!」、「有錢人的快樂往往就是這麼樸實無華且枯燥」、「人哋搞中銀,佢show滙豐,霞姨唔派飯㗎」、「呢個世界有窮有富,有咩咁威?你唔攞李嘉誠嚟同你比儍仔」、「哩條hehe….2004年已經覺得佢狗眼看人低。嗰時讀Fashion Image,佢對住全班學生講:『估我真係好想教你哋呀? 我志在有work for government咋,個CV靚啲,方便我同啲外國brand合作咋。』寸L到一個點,全場靜晒。」


林鄭競選特首時,曾邀Gary Chung幫手化妝。

Gary Chung在Facebook貼文,大晒千萬存款,有網民將黑卡與他的帖文合照。

Gary是徐子淇御用化妝師。

黎姿也是他的星級客戶。

林青霞也有搵他化妝。

LEAVE A REPLY

Please enter your comment!
Please enter your name here