特首林鄭月娥拖延幾個月先至撤回惡法,五大訴求,回應一個,八方當然唔收貨,垃圾政府、廢柴高官,早應倒台,和理非同勇武巴絲最多係「讓步」四大訴求、缺一不可,而藍絲下午知道呢個消息,亦哭喪咁誓不接受,多個藍絲群組都痛斥林鄭,有人話「頂!愧對400多萬市民,愧對執法警察!」並有人直接要求林鄭下台,「出賣香港人,出賣執法人員,向暴徒妥協,將法治抹殺,我身為一個愛國愛港市民,要求林鄭月娥馬上下台,因為她既沒有愛國心,亦沒有維護《基本法》。」

民望低殘嘅林鄭,宣佈撤回惡法,可能連基本盤都無埋,阿珍留言指「林鄭很軟弱,下台吧!」有位藍絲十分無奈,「唉!林鄭你快啲落枱呀,好L廢,又跪低。」八方睇咗唔少藍絲留言,對佢哋痛心疾首嘅心情,真係忍唔住笑,亦有好多人對林鄭失望,話「支持何君堯做特首」,如果仲有抗爭者上街,即係表明要「反中亂港,中央可正式出手了。」一於攬炒!

LEAVE A REPLY

Please enter your comment!
Please enter your name here